Politika e privatësisë

Përditësuar më 6 nëntor 2026

Kjo politikë shpjegon cilat të dhëna personale mbledhim kur vizitoni emeraldworkwear.com ose blini te ne, pse i përdorim, kujt ua japim dhe cilat të drejta keni. E zbatojmë sipas Ligjit Nr. 06/L-082 për Mbrojtjen e të Dhënave Personale të Republikës së Kosovës dhe, për klientët në Bashkimin Evropian, sipas Rregullores së Përgjithshme për Mbrojtjen e të Dhënave (GDPR).

1. Kush jemi

Kontrollues i të dhënave është Intercom Group SH.P.K., NUI 811497280, me adresë Tirana (zona ish Printeksi), p.n., Prizren, Kosovë, që e menaxhon dyqanin online Emerald Workwear and Safety Shoes.

Për çdo pyetje rreth të dhënave tuaja na shkruani në adresën e mësipërme.

2. Cilat të dhëna mbledhim

  • Kur porositni: emrin dhe mbiemrin, telefonin, emailin, adresën, qytetin, kodin postar, shtetin dhe shënimin për porosinë. Nëse kërkoni faturë për kompani, edhe emrin e kompanisë dhe NUI-n.
  • Kur hapni llogari: emailin, fjalëkalimin (ruhet i enkriptuar, ne nuk e shohim), adresat e ruajtura dhe historikun e porosive.
  • Kur na kontaktoni: emrin, emailin ose telefonin dhe përmbajtjen e mesazhit.
  • Lista e dëshirave: produktet që ruani për më vonë.
  • Të dhëna teknike: adresën IP, llojin e shfletuesit dhe kohën e vizitës, që serveri i regjistron për sigurinë e faqes, si dhe tentativat e gabuara të hyrjes në llogari.

Nuk mbledhim të dhëna të kartës bankare në këtë faqe.

3. Pse i përdorim dhe mbi çfarë baze

  • Për të përmbushur porosinë (kontrata): konfirmimi në telefon, përgatitja, dërgesa, fatura, ndërrimi i madhësisë dhe garancia.
  • Për detyrimet ligjore: ruajtja e faturave dhe e dokumenteve kontabël sipas ligjeve tatimore dhe të kontabilitetit.
  • Për interesin tonë legjitim: siguria e faqes, parandalimi i mashtrimeve dhe përgjigjja ndaj pyetjeve tuaja.
  • Me pëlqimin tuaj: cookies statistikore dhe të marketingut. Pëlqimin mund ta tërhiqni kurdo te “Cilësimet e cookies” në fund të faqes.

4. Kujt ua japim të dhënat

Nuk i shesim dhe nuk i japim me qira të dhënat tuaja. I ndajmë vetëm me ata që na ndihmojnë ta kryejmë porosinë, dhe vetëm aq sa u nevojitet:

  • Korrierët: në Kosovë korrieri ynë lokal, jashtë Kosovës DHL Express. Ata marrin emrin, adresën, telefonin dhe, për njoftimet e dërgesës, emailin.
  • Banka: kur paguani me transfer bankar, të dhënat e pagesës përpunohen nga banka juaj dhe banka jonë.
  • Hostingu: faqja dhe baza e të dhënave ruhen te Hostinger International Ltd., ofruesi ynë i hostingut.
  • Google Translate: vetëm nëse zgjidhni English, Deutsch ose Hrvatski në faqe. Atëherë teksti i faqes dhe adresa juaj IP i dërgohen Google për përkthim. Nëse mbeteni në shqip, faqja nuk lidhet me Google.
  • Autoritetet: kur e kërkon ligji.

Kur të dhënat dalin jashtë Kosovës ose jashtë Bashkimit Evropian (për shembull te DHL ose Google), kjo ndodh vetëm për qëllimin e mësipërm dhe me masat mbrojtëse që këta ofrues zbatojnë, si klauzolat standarde kontraktuale.

5. Sa kohë i ruajmë

  • Porositë dhe faturat: aq sa kërkon ligji për dokumentet kontabël dhe tatimore.
  • Llogaria: derisa ta mbyllni, ose derisa të na kërkoni fshirjen.
  • Mesazhet: deri në dy vjet pas bisedës së fundit.
  • Të dhënat teknike të sigurisë: vetëm për kohën e shkurtër që nevojitet për mbrojtjen e faqes.

6. Cookies

Cookies janë skedarë të vegjël që faqja ruan në shfletuesin tuaj. Përdorim tri lloje. Cookies të domosdoshme nuk kanë nevojë për pëlqim, sepse pa to dyqani nuk funksionon. Të tjerat aktivizohen vetëm nëse jepni pëlqimin, dhe zgjedhjen mund ta ndryshoni kurdo te Cilësimet e cookies.

CookiePër çfarë shërbenKohëzgjatjaLloji
wp_woocommerce_session_*Mban shportën tuaj2 ditëE domosdoshme
woocommerce_cart_hash, woocommerce_items_in_cartPërditëson shportën gjatë vizitësSesioniE domosdoshme
wordpress_logged_in_*, wordpress_sec_*Ju mban të kyçur në llogariSesioni ose 14 ditëE domosdoshme
wordpress_test_cookieKontrollon nëse shfletuesi pranon cookiesSesioniE domosdoshme
_lscache_varyI tregon memories së faqes (cache) kur keni shportë ose llogariSesioniE domosdoshme
tinv_wishlistkeyLidh listën e dëshirave me shfletuesin tuajDeri në 1 muajE domosdoshme
emerald_consentRuan zgjedhjen tuaj për cookies6 muajE domosdoshme
googtransRuan gjuhën e zgjedhur, vetëm nëse zgjidhni English, Deutsch ose Hrvatski1 vitE domosdoshme
sbjs_current, sbjs_first, sbjs_session, sbjs_udata dhe të ngjashmeTregojnë nga erdhët në faqe (p.sh. Google ose Facebook), që të dimë cilat reklama sjellin porosiSesioni (30 minuta)Statistika, vetëm me pëlqim

Në memorien lokale të shfletuesit ruajmë edhe monedhën që zgjidhni për çmimet (emerald_currency) dhe një kopje të shportës dhe të listës së dëshirave, që faqja të hapet më shpejt. Nëse në të ardhmen shtojmë Google Analytics ose Meta Pixel, ato do të aktivizohen vetëm me pëlqimin tuaj dhe do t’i rendisim në këtë tabelë.

7. Të drejtat tuaja

Keni të drejtë të kërkoni qasje në të dhënat tuaja, korrigjimin, fshirjen ose kufizimin e tyre, t’i merrni në një format të lexueshëm, ta kundërshtoni përpunimin dhe ta tërhiqni pëlqimin kurdo. Mjafton të na shkruani në info@emeraldworkwear.com. Përgjigjemi brenda 30 ditësh. Fshirja nuk prek të dhënat që ligji na detyron t’i ruajmë, si faturat.

Nëse mendoni se të dhënat tuaja nuk po trajtohen si duhet, mund të ankoheni te Agjencia për Informim dhe Privatësi e Kosovës, ose, nëse jetoni në Bashkimin Evropian, tek autoriteti për mbrojtjen e të dhënave në vendin tuaj.

8. Siguria

Faqja përdor lidhje të enkriptuar (HTTPS). Fjalëkalimet ruhen të enkriptuara, qasja në porosi kufizohet te stafi që i përpunon, dhe llogaria bllokohet përkohësisht pas disa tentativave të gabuara të hyrjes.

9. Fëmijët

Dyqani u drejtohet të rriturve dhe kompanive. Nuk mbledhim me vetëdije të dhëna nga persona nën 16 vjeç.

10. Ndryshimet

Kur e ndryshojmë këtë politikë, e përditësojmë datën në krye të faqes. Për ndryshime të rëndësishme ju njoftojmë në faqe ose me email.