Rrobat e punës vishen çdo ditë, lahen shpesh dhe duhet të durojnë punë të rëndë. Një uniformë e mirë pune e mbron punëtorin, e bën punën më të lehtë dhe e tregon kompaninë më serioze. Ja çka të shikoni kur zgjidhni rroba pune.
Pjesët bazë të një uniforme pune
- Maicë pune prej pambuku të trashë, për çdo ditë.
- Pantollona pune me xhepa të përforcuar për veglat.
- Duks ose jelek për ditët e freskëta dhe për më shumë xhepa.
- Jakne pune për të ftohtin dhe punën jashtë.
- Këpucë pune me standardin që i duhet punës suaj.
Materiali dhe qepjet
Për rroba pune që lahen shpesh, pambuku i trashë ose përzierja pambuk dhe poliestër zgjat më shumë dhe nuk e humb formën. Shikoni qepjet te xhepat dhe te gjunjët: aty grisen më së pari rrobat e punës.
Xhepat dhe lëvizja
Pantollonat e punës me xhepa anësorë dhe xhepa për vegla e mbajnë veglën afër dore. Jeleku me shumë xhepa është praktik për zejtarë, elektricistë dhe instalues. Rrobat duhet të lejojnë lëvizje të lirë kur uleni, përkuleni ose ngjiteni.
Madhësia e duhur
Rrobat e punës nuk duhet të jenë as të ngushta, as shumë të gjera, sepse rrobat e gjera kapen më lehtë te makineritë. Maicat dhe duksat Emerald vijnë nga S deri 3XL, pantollonat nga 46 deri 60, dhe në faqen e çdo produkti gjeni tabelën e madhësive.
Për ekipe të tëra, setet e punës bashkojnë rrobat dhe këpucët e punës në një çmim më të ulët se veç e veç. Ose shikoni të gjitha rrobat e punës.
